Ministri i mbrojtjes së Greqisë : “Jemi në luftë me Turqinë”

Konfliktet e vazhdueshme Turqi – Greqi duket se po shkojnë drejt një rruge pa kthim. Vetë ministri grek i Mbrojtjes, Panos Kamenos deklaron se : Greqia dhe Turqia janë në luftë të pashpallur prej më shumë se 4 dekadash. Duke folur para gazetarëve në Athinë, Kamenos tha se forcat ajrore turke shkelin prej 1974-ës hapësirën ajrore greke.

“Kemi heronj që kanë rënë në vijën e frontit. Këto ngjarje ndodhin vetëm gjatë luftës.”

Ditën e martë, në incidentet kufitare u përfshinë edhe kryeministri grek Aleksis Cipras si dhe shefi i shtabit të përgjithshëm të ushtrisë, admirali Evangelos Apostolakis. Helikopterit ushtarak me të cilin fluturonin pranë ishullit Ro, që pretendohet edhe nga Turqia, iu afruan dy avionë luftarakë turq duke i kërkuar të dhënat e fluturimit.Pas këtij incidenti, kryeministri grek Aleksis Cipras tha se Greqia nuk do të falë asnjë centimetër territor dhe do t’i përgjigjet çdo provokimi, pavarësisht se është e predispozuar për të ruajtur paqen me fqinjët. Krahas shumë incidenteve në Egje, forcat kufitare turke arrestuan në fillim të marsit dy ushtarë greke, të cilët kishin hyrë në një zonë të diskutueshme në kufirin kontinental greko-turk. Ankaraja pretendon se Greqia ka përfituar me të padrejtë dhe jashtë traktateve ndërkombëtare disa ishuj në Egje që ndodhen ngjitur me brigjet turke.

Ngelet për t’u parë ecuria e ngjarjeve midis dy vendeve që momentalisht po testojnë durimin e njëri-tjetrit.

Leave a Reply

This site uses Akismet to reduce spam. Learn how your comment data is processed.

Customized Social Media Icons from Acurax Digital Marketing Agency
%d bloggers like this:
Visit Us On FacebookVisit Us On Twitter