British American Tobacco në partneritet global me McLaren

British American Tobacco në partneritet global me McLaren

British American Tobacco në partneritet global me McLaren

 

British American Tobacco (BAT), ka njoftuar sot partneritetin e ri global me McLaren, me bazë teknologjinë e avancuar dhe inovacionin.

Partneriteti shumë-vjeçar është fokusuar në përshpejtimin e proçesit të transformimit të duhanit, në zemër të të cilit është angazhimi i BAT për të ofruar një portofol të produkteve të cilat kanë potencial të reduktojnë riskun, që mund të sjellë ”një të nesërme më të mirë” për konsumatorët e tij.

Si pjesë e marrëveshjes, BAT do të punojë ngushtësisht me Teknologjitë e Aplikuara McLaren, duke ndarë ekspertizën teknologjike, përfshirë këtu; bateritë, materialet e avancuara dhe dizajnin. Dy kompanitë do të ndajnë praktikat më të mira, inovacionin, njohurinë dhe eksperiencën e përbashkët.

Ambicja e BAT-it, “Transformimi i Duhanit”, ka si qëllim t’i ofrojë konsumatorëve zgjedhje të duhanit dhe nikotinës, me më pak rrezik. Ky partneritet i jep BAT-it një platformë për të përshpejtuar rrugëtimin e tij dhe është dëshmi e angazhimit dhe përkushtimit të BAT në reduktimin e dëmit nga duhani.

Ky partneritet sjell bashkë dy kompani me një pasion të përbashkët për teknologjinë, inovacionin dhe dizajnin, si dhe një dëshirë të qartë për të sjellë një ndryshim të rëndësishëm dhe kuptimplotë përmes bizneseve të tyre.

BAT si partner global i skuadrës të Formula One, McLaren, do të ketë prezencë brenda dhe jashtë makinës përgjatë gjithë sezonit sipas rregullave dhe legjislacionit përkatës. Platforma e re dhe sfiduese e BAT-it, “ Për një të Nesërme më të Mirë” do të prezantohet në 14 Shkurt gjatë lançimit të makinës McLaren për vitin 2019.

Duke komentuar mbi këtë partneritet Shefi i Marketingut të BAT, Kingsley Wheaton, ndër të tjera tha se:
“Ne jemi jashtëzakonisht të ekzaltuar dhe krenarë për këtë partneritet, i cili na bën të mundur përshpejtimin e proçesit tonë të transformimit. Ky partneritet na jep një platformë të vërtetë globale, me të cilën do të duhet të rezononim më shumë me produktet tona të cilat kanë potencial në reduktimin e riskut, përfshirë këtu Vype, Vuse dhe markat e Glo. Së fundmi, inovacioni dhe teknologjia do të na mbështesin në krijimin e një “të nesërmeje më të mirë” për konsumatorët tanë në mbarë botën”.

Shefi ekzekutiv i McLaren Racing u shpreh se:
“Ne e mirëpresim BAT-in në skuadrën McLaren dhe mbështesim ambicjen e tyre për të sjellë një ndryshim të qëndrueshëm dhe kuptimplotë përmes inovacionit. Axhenda e transformimit të BAT është thelbësore në këtë partneritet dhe ne jemi të kënaqur të ndajmë përvojën dhe ekspertizën tonë për të ndihmuar në përshpejtimin e saj”.

Rreth British American Tobacco
British American Tabacco (BAT) është një kompani lider ndërkombëtare e mallrave të konsumit, e cila ofron produktet e saj në mbarë botën. Ajo ka të punësuar mbi 55,000 individë, ka prezencë në më shumë se 55 shtete dhe ka 42 fabrika. Portofoli strategjik i BAT është i përbëre nga marka globale dhe nga një gamë produktesh me rrezik potencialisht të reduktuar që është gjithnjë e më shumë në rritje, ku përfshihen produktet e avullimit dhe nxehjes së duhanit, po ashtu edhe produktet orale të duhanit dhe nikotinës si duhani i përtypshëm dhe bustina duhani pa nikotinë. Këto produkte me potencial në reduktimin e riskut janë të disponueshme në 28 tregje në mbarë botën, fushë e cila sipas planifikimeve, do të vazhdojë të zgjerohet. Vlera e tregut të kompanisë është £61.7 miliardë.

Leave a Reply

This site uses Akismet to reduce spam. Learn how your comment data is processed.

Plugin for Social Media by Acurax Wordpress Design Studio
%d bloggers like this:
Visit Us On FacebookVisit Us On Twitter